Linux Land

سلام عليكم

زمان كنت بسئل نفسي هو انا هموت ازاى معقول هيجي لحظه اموت فيها وتنتهي علاقتي بالدنيا بالمدرسه بالبيت بابا وماما واخواتي وكل الناس اللى اعرفهم بس كنت ببص وقتها للناس الكبيره

وهيا بتتكلم عن الموت وحاسس ان فيه حاله من الامبالاه والاستسلام فيها معني بيقوله العجوز زهقت من الدنيا وعايز اموت وأرتاح غريبة

ومكنتش مصدق وقتها انا كنت بحب الحياه اوي وبقول يعني هو الواحد لو فضل سبعين سنه مع حاجه هو بيحبها هيجي يوم عليه ويفضل اي مصير عليها

يبئا لازم الشخص مش عاقل او ان الحاجه دي مش حلوه وفى يوم من الايام راجع البيت بعد ما كبرت واتجوزت وخلفت والحياه بالمقاييس الدنيويه بتتضحك

لقيت نفسي بقول وانا طالع على السلم اني حاسس ان هموم الدنيا كلها على دماغي وتصورت هموم الدنيا هيا البيت وعايز اهرب منها على السرير

زمان واانا بحب الدنيا كنت بقوم انام على السرير وانا تعبان موت علشان انام علطول لاني كنت بحب الدنيا ومكنتش عايز افضل قاعد على السرير واقول

احتمال اموت والمتعه دي تنتهي واروح اتحاسب على كل اللى عملته ان خيرا فخير وان شرا فشر والمشكله ان مفيش باك منها

ولكن القعده فى البلد حسستني احساسيس كتيره اوي عمري مكنت اعرفها ولا اتوقعت اني هحسسها فى يوم من الايام

حسيت بالحزن وانا فى حاله السعاده لان مش هتعرف تعيش سعيد فى وسط ناس حزينه مهمومه بلاقي الهم والغم فى عيون اقرب الناس ليا

وده فى حد ذاته بيحرمني سعادتي طيب اعمل طيب  حاولت اسعدها بس الناس قرفانه وانا بحبهم علشان كدا بزعل بسببهم

حسيت ان الحياه رخيصه وملهاش لازمه وفعلا فهمت معني ان الدنيا مش للمسلمين وكنت مفكر ان بالأجتهاد ممكن تكون سعيد

نفسي اعرف حاجه تخلي الواحد سعيد علطول لكن ملقتش مهما حصل عربيه شقه فلوس برضو اليوم مينفعش ينتهي  الا فيها عك

كنت بقول انا عايز اهاجر من مصر وهفضل احاول اهرب منك يا ماما لاني حاسس انها فوضي فعلا

ودلوقتي عايز اهاجر من الدنيا كلها الواحد يظبط نفسه بحيث لما اموت متدخلش النار واعمل اللى ربنا أمرني بيه

وخلاص مش عايز الدنيا للدنيا هعيش فيها لاني لازم اعيش الوقت ده ليا عمر وهحاول فى العمر ده اعمل اللى يسعدني فى الدار الاخرة

انتي بئيت قاسية عليا اوي يا أمي
وأبويا مات وحارب علشان شرف أرضك وانتي دلوقتي بتشربيني المر
وأقولك ايه بس خلاص زهقت منك هسيبك واشوف بلد غيرك لكن مش هلاقي أمك غيرك
مصري ابن مصري ومالو
اانا مصري عشان امي اللى ولدتني وابويا اللى عمل الدور كان مصري ولأجل الحظ اتولدت فى مصر
لكن لو كان اي شي اتغير مكنتش هكون مصري علشان متقعديش تقولي انا امك امك امك حتي لو وحشه امك لا .. امك
اتولدت مصري وأتولدت مسلم
درست الدين حبيته وطلبت المزيد
عرفت مصر كرهتها وطلبت الرحيل
وهقعد فى مصر تاني ليه

حكومه حزب وطني .. أم المواطن
ناس بتتعامل معانا على اننا اشياء تباع  وتشتري أكلهم خضار مسمم شربهم ميه مجاري ياعم .. امهم دول يجي تسعين مليون دلوقتي

حكومه حزب وطني .. أم المواطن
داخليه قايمة ناميه ولاد أحبه من اول العسكري اللى واقف فى الكمين وعايز عشره جنيه لحد اللواءات اللى بيعلموا الطلبه فى كليات الشرطة اننا مجموعه حشرات
المفروض ينداس عليهم بالجزم وكدابين اوعي تسمعهم وحراميه لا تثق فيهم
جرب تكلم اي ضابط فى اي مجال وانت متعرفوش وتعال تف على قبري لو رد عليك من أول مره الا اذا كنت بتشتمه ساعتها مش هو اللى هيرد
أمين شرطه اي حاجه كلمه وانت تعرف صحه كلامي
طيب ليه يعني ب.. أمه أحسن مني في ايه هو ولا هو نازل من السماء وانا نازل من .. أمي
وحاجات كتير يا ماما فيكي تخلي حتي الصلح مستحيل

انتي يا ماما بتمثلي ليا شوية حاجات هقولك عليهم

مراتي وبنتي ومستقبل أسود وزي الزفت سيتك محضراه لهم لو انا مت ورحت فى ستين داهيه فى ظل الظروف اللى معيشانا فيها
لو انا مت الله أعلم هما هيعيشوا ازاى وهيجيبوا فلوس ازاى يا ماما يا حبيبتي

شغل والحكومه بتاعت يا ماما بتقولي انت بيجيلك فلوس من بره ليه هو انت شغال ايه هو مش مكتوب فى بطاقة ثانويه أزهريه بتجيب فلوس ليه ها؟
شايفه يا ماما الحراس اللى قولتي دول هيخدمونا اهم دلوقتي بينيكونا يعني لا منهم ولا كفاية شرهم مش كفايا يجي عشرين مليون شاب فى سني طالع
ميتين أبوهم فى شغل لو اشتغلوا نصه فى بلد محترمه كان زمانهم من أغنياء القوم ولا هو أفترا وخلاص ونحن ساده بني مخزوم وخليكم فقرا الفقراء حلوين
ده طبعا غير انهم واقفين زي اللقمه فى الزور لكل واحد عايز يكبر ضرايب وتأمينات وتقليب ورشاوي وواك واك واك وعايز تكبر فى البلد وانت عندك أخلاق .. أمك

شوية اماكن بتفسح فيهم زي شارعنا والأستاد والطريق الزراعي وأسكندرية وشارعنا مليان مطبات من يوم ما أتولدت وهي موجوده
والأستاد بئا قاعد أفراح وقسم بوليس كبير ومكنه للمخدرات والدعاره فى أوقات اخري
والطريق الزراعي يا ماما حولوه لطريق الموت علشان شويه عالم ولاد كلب يعرفوا يمشوا على الطريق الصحراوي براحتهم أحنا الكلاب
نموت كل يوم بالكوم ومش مشكله رحوا فى داهيه الطريق فيه امكان منهم حارتين وحاره واكتر من نصهم ظلام فى ظلام وحاليا بئا كل نقل تقيل
و.. امك يا ملاكي ومش عارف يعني وانا من الطبقه المتوسطه بيتعمل فيا كدا امال الناس اللى تحت بيتعمل فيهم ايه وينهار اسود لو نزلت تحت هيحصل ايه
لا يا ماما العيشه معاكي مفيهاش أمان خصوصا ان حراسك بيكدبونا فى كل شي لو حصل اي حاجه انا كداب ومفيش عدل لا يا ماما .. أمك

دين واسلام وهنا كلام كتير ميساعوش الف كتاب الدين قول باللسان وعمل بالجوارح والأركان ده الدين
لكن فى مصر شوفت دين عجيب شوفت الناس بتتكلم فى الدين لما يكون فى صفه ويقولك متتدروش عليا لما يكون ضده
تكلم حد فى القضاء والقدر تحس ان هيجيلك شلل ويكاد يوصلك للكفر والعياذ بالله بسبب كلامه
تقول يا عم الخضروات دي اللى فى السوق غلط يقولك ياعم اللى كاتبه ربنا هيكون ترد تقول ايه طيب؟
يا سيد البذور مهجنه ووالزراعه فيها كيماوي بالعبيط والميه ميه مجاري وفوق كل ده مفيش معامل تفحص الخضرة قبل ما نطفحها
من الغيط للمطبخ وكل واتسمم يقولك اللى كاتبه ربنا هيكون طيب ده ترد عليه تقول ايه؟
انت وانت فى مصر عندك مثلا عشره اسباب يجيلك سرطان بسببهم خليهم تسعه لما تاكل خضار عدل
يقولك فال الله ولا فالك يا عم سيبك
كلام الدين هنا بئا
لا ضرر ولا ضرار — ولا تلقوا بأيديكم الى التهلكه وعن الفأل قال صلى الله عليه وسلم ولا تطايروا
أللهم لا طير الا طيرك
خد دي كمان لو حد له مريض وعمل عمليه ومات بسبب دكتور تخدير مثلا
تلاقي الدكتور وأهل المريض بيقولوا عمره كدا
يخي احا احا من هنا لبكره الصبح تعال أقتلك وهقول عمرك كدا
اه عمره كدا بس الدكتور هو اللى قتله يتحاكم يعاقب لكن تاخد ابنك وتمشي وتقول قضاء وقدر
ازاى ربنا مقالش كدا
يا سيدي في حدود في ديه فيه العفو بس لما الدكتور يقول اه قتله انا اللى غلطان مش تقول عمره كدا
لو عمره كدا كان القاتل لا يقتل لان القتيل كان هيموت كدا كدا
كان المنتحر ربنا ميعاقبهوش على كدا لانه كان هيموت ومكتوب له يموت
انت السبب وبتعاقب علشان انت السبب
وتتكلم وكأنك بتأذن فى مالطه

وكلام كتير من هذا القبيل اللى تلاقي لا بيصلي ولا بيصوم ولا اي حاجه ويقولك انا قلبي أبيض
وترك الصلاه والصيام معصيه كبيره والرسول قال ان المعاصي تميت القلوب
وده يقولك انا قلبي أبيض تعالى عضني

واي عفريت تكلمه فى الدين يجادل معاك بغير علم طيب يا سيدي انت ليه مش مكلف نفسك وتقرا وتتعلم على الأقل علشان نفسك
انت لو مؤمن بالدين فعلا وان فيه رب خلقك والدنيا دي انت هتموت وتتحاسب على اللى عملته فيها ان خيراً فخير وان شراً فشر
ليه منفض ومش عايز تتعلم وبتجري تتعلم اي حاجه فى الدنيا
ده فعله ودي أفعال الناس فيكي يا مصر
لكن تعالى على الأقوال
دنيا فانيه
محدش بياخد حاجه معاه
يا سيدي دول يومين وخلاص
تعالى قوله بئا تعامل على نفسك المبدأ ده يقولك العمل عباده
قال الله تعالى : يا أيها الذين أمنوا لما تقولون مالا تفعلون كبر مقتاً عند الله ان تقولوا مالا تفعلون “

تجارة وفلوس
والناس هنا بتاجر بطريقه بنت كلب زباله على الأقل فى المجالات اللى أعرفها شباب الأنترنت الصيع اللى بيعملوا مواقع زيي كدا
تعالى يا معلم دخل السوق اي فكره كدا وقابل وقعد بئا الفكره هتتهرس ولو كانت بتتباع بمائه جنيه اديها تلت شهور وتتباع بخمسه جنيه وومكن ببلاش
مش عارف ليه بنعمل كدا
احنا عايزين فلوس وخلاص كانت كتير او قليله
عايزين نعيش وخلاص حتي لو أقل من الحيوانات ليه ليه ليه
واللى يغيظك ويفقع مرارتك انك تلاقي الواحد منهم بيسب ويلعن فى المعاملات وهو معاملاته نسخه طبق الأصل من اللى بيذم فيه
كان فيه عميل مره طلب مني دومين وتصميم وكان راجل كبير  معدي التلاتين والكلام جاب بعضه وقعدنا نتكلم عن البزنس فى مصر وطنطا خصوصا
وقالي ياما قالي ان الماركت زفت والناس وحشه وعايزين اي سبوبه وخلاص وله خبير تسويق قال انك عايش فى أسوأ مكان للتجاره فى العالم
حلو وانا موافقه الكلام لكن تعالى بئا
تعامله هو زي الزفت طين احا فشخ زباله
كلمته بعدها بقوله انت بتعمل كدا ليه يقولي السوق كدا هو ده السوق
قولتله طيب انت بتشتم فى المصريين وطنطا وانت زيهم
ايه !!!!!!!!!!
وهنا نقف وقفه كبيره اوي
احنا كمصريين نقبل انتقاد الأخرين او انتقادنا بشكل عام لكن احا لو انتقدتني فعلا بدليل واثبات ينهار اسود ازاى تعمل كدا واحنا كنا بتكلم مع بعض؟
المفروض اننا لو نعرف بعض او اصحاب لو انا قتلت قتيل متقوليش انت قاتل تقولي كلب وراح حتي لو الناس قالت انت متقولش ليه ؟؟ علشان احنا نعرف بعض
المعرفه او الصداقه فى مصر أقوي بكتير من الحق
نكمل الفليم قولتله اه انت بتقول الناس وحشين فى تعاملهم وانت نسخه منهم واك واك واك ودخلت فيه شمال وده كان أخر تعامل بينا
ده مثال بسيط على التجاره فيكي يا ماما

فيه ايه تاني

ماء :                          شخصيا بشرب من المرشحه اللى هيا ميه مجاري
هواء :                       ملوث جدااااااااااا
مواصلات  :               تحس انها طرق معاها كومبو مطبات والحلو نقل تقيل وكماين وحوادث والفايده الوحيده انك بتكون سواق او بتموت
تجاره وفلوس :          الجنيه المصري ولا له قيمه بالمعني الحرفي للكلمة
اجتماعيات :             احنا اتربينا على اننا نكرهه بعض وبنفذ ده طبعا
دين :                      النسخه المصريه غير النسخه اللى جاء بيها سيدنا محمد اصلا
عدل وقضاء :             طبعا لو كنت مصري مش محتاج توضيح

ايه تاني مفيش وأختم الكلام ببيتين شعر لعبد الرحمن الأبنودي من قصيده أحزان عادية

قولت لنفسي وبعدين راح تفضل كدا لأمتي يا غلبان
بتداري ايه ؟ ايه باقي تاني علشان تبكي عليه
وطنك ؟ متباع
سرك ؟ منذاع
الدنيا حويطه وانت بتاع
ويهين المعني الضابط ويدوس بالجزمة على الحلم
ربنا رازقه بجهل غانيه عن كل العلم
ماذا تعني بالــكون يا يساعك يا يساعني؟
رد يا جربان يا ابن الوزخه يا كــلب
اظنك هتقولي تاني الشعب
وصفعني وتنا على بطني بالكعب

سلام يا ماما انا اخدت قرار أهاجر وأسيبك
أنا عايز اعيش حياه كريمه حلوه جميله وده مستحيل للي زيي فيكي

الليل مِليِّل والألم.. عاصر

لسّه اللى بيبيع أمته كسبان

وكل يوم.. أطلع أنا الخاسر!!

الله يجازيك ياعم عبدالناصر

أما انت خمِّيت مصر دى خمّة

يوم ما ناديت بالعشق للأمة

ورطتنا نعشق خريطة عبيطة

وبشر ما نعرفهاش

وبلاد مابنزورهاش

إلا فواعلية.. وبنايين

وسواقين وخدّامين وطباخين

بلاد أسافرها سعيد أرجع حزين.

حبيتها زى ما قلت لى واكتر

ع الأجنبى ما استكترتش..

عليّا تستكتر.

ع الأجنبى ما اتظنطرْتِش

عليَّا تتظنطر.

ع الأجنبى ما اتنقورتش

عليا تتنقور.

تطمع فى دمعى وفى تعاسة راتبى.

مُلْهَمْ أنا.. واعمل غبى.

وادى الألم يا عم «عبدالناصر»

زاحف.. وبيحاصر

وادى الجميع خاسر

السالب الأمة مع المسلوب

وادى فجْر أمتنا الجميل مغلوب.

وادى انتحار الأمة بالمقلوب.

وانا غريب الدار

لابسنى توب العار

ساكن فى وطنى بالإيجار

عايش فى أمة

ما تحترمش الحِزن!!

سلام عليكم

قريت روايه يوتوبيا بتاع خمس ست مرات كل يوم وفرحان جدا ان في حد اخيرا اداني الكلام اللى انا عايز اقوله

فى يوتوبيا الدكتور احمد بيقول كل اللى انا بفكر فيه

حبيت اوي الكلام بتاعه لما الواد الغني نزل شبرا واتفرج على السوق بتاع الاغيار وقال

ان الناس بتشرب خمره مغشوشه وبيضربوا مخدرات مغشووشه وبياكلوا اكل حامض وبيعملوا الزفر على جلد الفراخ الناس دي

بتمثل انها عايشه بتمثل انهم بيشربوا خمره بيمثلوا انهم بشر من الاخر الكلمه دي فى الجوووووووون

الشعب ده فعلا بيحب موت الشكوي بيحب يقولك الحكومه بنت ستين فى سبعين بيحب يعيش دور المظلوم وخلاص لكن تغير تعالى عضني تسمع كلامه تحس انه لو شاف ضابط هيقتله

تشوف افعاله تكون عايز تقوله .. … عندك ناس كتير من النوع ده المشكله ان الشعب ده مش بيحب المخاطره عايش الحياه بدون اي مسؤليه لفقد ما هو عليه

عايز يعيش وخلاص يعيش اي عيشه يعيش زي القطه زي الكلب زي دوده الارض ولا فارقه بس يفرق عن الحيوانات دي انه بيشتكي وهو اللى وصل نفسه لكدا

عندك الناس فى المصالح الحكوميه بيشتكوا من المرتب ليه ميتفقوش كلهم انهم يوقفوا عن الشغل فى يوم احتجاج ويضربوا بالنار اي واحد يخالف ده وهنا المخاطره

حاجات كتير بس الشعب ده فعلا يستاهل اللى هو فيه من نظري وانا شايف كمان ان الناس اللى فى سن الشباب اللى بتقعد على الفيس بوك ومش عارف ايه وبياخد مصروفه من امه وبيكمل فى

كليه هو عارف انه هيطلع يحط الشهاده على الحيطه ويقعد على القهوه وخلاص ياعم انت ليه متشتغلش ليه متتعلمش ليه متجازفش بعمرك كله فى سبيل انك يكون معاك فلووووووووووس

تعمل بيها اي حاجه انت عايزها ليه عاجبك انك تقعد تشتكي وتند ليه بتتعلوق ليه ليه ليه يا عين ليلى طال

فى نظري انا حابب اكون من بتوع يوتوبيا طبعا مش من الاغيار وهحاول بكل مقدرتي اني اكون منهم بس طبعا مع الاحتفاظ بالدين الحق مش شرط ان الاغنياء يكونوا فاجرين

سيدنا عثمان ابن عفان من العشره المبشرين بالجنه وكان غني جدا وفى الزمن بتاعنا ده وانا مسلم غني هفيد الدعوه اكتر من اني اكون مسلم فقير

وهقولك على فكره بسيطه كدا جت فى دماغي فى موضوع الحكومه

احنا ليه دايما بنشتكي لبعضا بس احنا اصلا عاملين زي اللى بيتكلموا عن اوضاع كوكب المريخ من كوكب الأرض

عندك مثلا الانترنت انا حاتط فى دماغي ان الحكومه يوم ما تقول انا هنط على السبوبه اللى انت راشق فيها هتكون حرب بالنسبالي على الاقل

هستخدم كل اللى اعرفه ضدهم علشان اطردهم من المجال بتاعي بأماره ايه اصلا الناس دي تركب على السبوبه علشان علاء باشا ابن مراد بيه

انت ومراد بيه يا عم واللى بيفهم اكتر وأكفأ للمكان هيكون فيه ونحمد ربنا ونشكر فضله انه رزقنا بحاجه زي الانترنت الحكومه مش ناطه عليها وعايزين ولا خمسين سنه علشان يأثروا علينا

يكون الشعب ده اتغير

let start new cpanel server setting for frist time

if there’s some problems with mail or anything u can go and update python on ur cpanel server

download the least version here : http://www.python.org/download/

the build it and edit cpanel config to match the new version

cd /root
wget http://www.python.org/ftp/python/2.6.4/Python-2.6.4.tgz
tar -xvzf Python-2.4.6.tgz
cd Python-2.4.6/
./configure –prefix=/usr/local/python.2.4.6/
make
make install

now u have install python on ur system as slave version u can edit cpanel config now
vi /var/cpanel/cpanel.config then find python and comment that line # and enter line blow
python=/usr/local/python.2.4.6/bin/python2.4
do force update to ur cpanel

everything is ok

some info got from here

سلام عليكم

انهاردا هقدم حاجه بسيطه هيا ازاى نغير بسورد الروت لو ضاع من غير مترجع للداتا سنتر

طبعا لازم يكون معاك

Console or KVM

اي حاجه تخليك تتدخل على السرفر بشكل مادي يعني

الحاجه اللى اسمها

IPMI on Softlayer

المهم اعمل ريسارت للسرفر واستنا شوفه وهو بيعمل بووت

لما يجي على اختيار الكيرنال اضغط مسطره علشان توقفه وبعدين عدل على السطر ده علشان تتدخل على حاجه

عامله زي السيف مود وكمل هيوصلك روت غير البسورد وشغله خلاص شكرا

معليش الشرح بتاع الاوامر هكتبه انجلش مش عارف اظبط الصفحه الصراحه

reboot the server
on kernel seclet press space to stop count down
press E to edit this line
go the end of line and add 1
why we add 1 to login to Single-User mode
press B to start boot
the system will complate the boot seq but will switch you to single-user and u already logged
type passwd to change your password
run init 3 to boot on old run-level
done ^_^
u can disable DHCP on Softlayer servers that will make booting more fast

السلام عليكم

السلام عليكم ورحمة الله وبركاتة

بعد ما حصل اليوم ان الأنا السفلي نايمه شويه والأنا المثاليه شغاله على ودنوا قولت ليه بنقول ان الغرب والغرب والغرب واحنا اصلا اللى بنعامل بعض وحش

يعني عندك فى مجال التقنيه اللى يعرف حاجه بيدوس عليها مع انه جايبها من كتاب او جوجيل او اي بنتنجان يعني مش مخترعها ولو اخترعها يعني حصل ايه

ايه فايده حاجه مهمه لو انت بس اللى عارفها وبتطبقها وكان لي نقاش طويل عريض مع المهندس اللى درست معاه شهاده ريد هات وكانت نظريته بتقول

ان العلم المفروض يكون متاح للجميع وعلم الناس اللى اقل منك هيكونوا جنبك وانت روح اطلع فوق واتعلم جديد بعد فتره هتلاقي نفسك فوق وهما فوق برضو

وده يحصل بيه ارتقاء لنفسك والمجتمع وهيكون المدخول المادي أكبر

ونظريتي انا بتقول ان اللى هتعلمه لحد هيدمره زي بالظبط موضوع السيبرات ومحلات السنترال فى كل مكان اي سبوبه الشعب المصري بيعرف سرها بيدمرها والعينه بينه

اسئل اي حد حاليا فى مجال الاستضافه وقوله

اخبار الشغل ؟

زفت

الشغلانه لمت

اه يا عم الله يخرب بيتهم دمروا الأسعار

واحتمال هو يكون واحد من اللى دمروا الدنيا بس اهي شويه حاجات نفسيه كدا بتلاقي نفسك بتعملها بدون ما تحس محتاج تقف بس

وتسئل نفسك انت بتعمل ايه انت ايجابى فى المجتمع ولا سلبي

قصه طويله عريضه وفكرت اني ممكن اشارك باللى اعرفه وخلاص يعني هو حصل ايه انا مقتنعتش بنظريه من النظريات دي بس مقتنع ان الرزق على الله

ولو انا مكتب ليا الف جنيه فى الشهر هاخدهم حتي لو اشتغلت كومسري فى اتوبيس او سواق تاكس او بتاع سرفرات او اي عفريت

المهم اني هبدا انشر الكلام اللى اعرفه وهعمل قسم اسمه تقني هحط فيه الحاجات التقنيه المهمه اللى اعرفها

وقسم شخصي هتكب فيه العك اللى انا دايما بكتبه ولو كنت تعرف المدونه من زمان اكيد شوفت العك ده

وبفكر افتح قسم ادبي اكتب فيه عن الأدب شويه واهو كله على كلو

ربنا يوفقني ويوفق الجميع

محمد زكي
مجرد شخص آخر

” فليــصب جام الرعــب والمخــاوف علــى مدينة (قرطاجة ) هذه …. اننا نلعـن هؤلاء القوم وجيشهم بكل ما ففي كياننا من قوة … نلعن كل من شغل هذه القصور وعمل فى هذه الحقول وعاش على هذه الأرض نتضرع الأ يروا النور ثانية فليحل الصمت الأبدي والوحشه الكئيبه هنا فلا يبرحان ملعون من يعود ومن يحاول تعمير هذه الخرائب او بعث الحياة فيها

القائد الروماني ” سيبيو الأميلي ” على أطلال قرطاجه المحترقة

200 قبل الميلاد

المصدر : فانتازيا : ايام مع هانيبال